Jab se dhoondha hai teri aankhon mein, aashiyana apna;
Taras hi gaye hain teri unn nigahon ke deedaar ke liye;
Sunn rahi hoon, tere lafzon ko dobaraa;
Teri khamoshi kaafi nahi, tere pyar ke izhaar ke liye
Jo sajaya hai aankhon mein, ek ghar ka sapna;
Dar lagta hai, kahin sailaab na aa jaye;
Labon se kuch keh na sakungi,
Shayad meri khamoshi hi bayan kar jaye
Tere yakeen pe yakeen karna, aadat si ho gayi hai meri;
Mujhe malum nahi tera chehra, kab ibadat ho gayi hai meri..
Teri nazron ki inayat hai
Jo hum nikhar rahe hain
Tujhe dekh kar bas nazar bhar
Ab hum sanwar rahe hain
Bahut mushkil se tere hone ka yakeen ho paya hai
Lamha lamha har pal tu dil mein samaya hai
Socha na tha, koi tujhsa bhi hota hoga iss jahan mein
Tujhse maine apna jahan basaya hai
