Jo tha mere sapno ka mahal
Wo aaj toot hi gaya toh kya,
Chal rahi hai hawa aaj bhi madmast
Nikal raha hai sooraj aaj bhi muskurata,
Chahak rahe hain panchi aaj bhi dalon pe
Jo toot hi gaya sapno ka mahal toh kya
Aati hai aandhiyan, sabkuch bikher deti hai
Raste mein mile har cheej ko tod deti hai
Aur phir ruk jaati hai aandhi thak kar
Toote kuchle hue podhon ko yunhi chorkar
Toh mere bhi sapno ka mahal toot hi gaya toh kya
Phir hari ho jayengi pattiyan
Phir hari ho jayengi daaliyaan
Bhool jayenge log toote bikhre iss din ko
Phir kaun yaad karega mere toote hue mahal ko
Jo tha mere sapno ka mahal
Wo aaj toot hi gaya toh kya,
